VIGAN CITY – Natakawan iti National Bureau of Investigation idiay Zone 5, Bantay, Ilocos Sur.
Segun ti Bantay Municipal Police Station, nagturong kadakuada ni Gamaliel Tapao Tabutol, agtawen iti tallopulo, naasawaan, Investigation Agent nga agnaed idiay Pantay Daya, Vigan City a napan isuna iti trabahona ken nakipaset iti flag-raising ceremony iti alas otso iti bigat idi December 4 ken pimmanaw iti alas nuebe iti bigat iti isu met la nga aldaw a mainaig iti trabaho.
Iti alas onse iti bigat iti isu met laeng nga aldaw, nakasangpet ni Tabutol iti National Bureau of Investigation ngem idi simrek iti opisina ket naduktalanna a nabaliktad iti air-conditioned unit a nakaipan iti uneg ti opisina ken napansinna a nalukatan ti steel cabinet-na.
Naduktalanna a ti nakadulin a kuarta iti steel cabinet nga aggatad iti P3,000 ken kuartana a P10,500 ket mapukpukaw ken uray dagiti alikamen iti uneg iti opisinana ket nawara.
Iti agdama, agtultuloy iti imbestigasyon inaig iti nasao a pasamak.
