Nagballaag ni National Bureau of Investigation Director Melvin Matibag a mangitunda iti pannakadadael ti talek ti publiko iti hustisia no baybay-an nga agbalin a paglemmengan dagiti pugante ti Senado.
Kasaruno dayta ti bigla a panagpukaw ni Senador Ronald ‘Bato’ Dela Rosa uray no immunan nga impasigurado dagiti senador a naipasidong iti “protective custody”.
Segun ken ni Matibag, nagpatangdan ken ni Senate President Alan Peter Cayetano idi Mayo 11 idi immuna a gundaway a nagandat a matiliw ti senador gapu iti kasona iti International Criminal Court mainaig iti drug war ti Duterte administration.
Nagballaag ti opisial a no masalwadan dagiti pugante, kumapsut ti panangraemda iti linteg ken panunoten dagiti kriminal a makanayen ti agbalin a senador tapno libasan ti nagbasulan.
