Impila ti National Bureau of Investigation (NBI) ti sangapulo ket innem a reklamo para ti falsification of public documents, perjury ken panaglabsing iti Anti-Alias Law kontra ken ni Yang Jianxin wenno Tony Yang, kabsat ti dati a presidential economic adviser Michael Yang.
Dagiti reklamo ket naipila iti Office of the City Prosecutor iti Cagayan de Oro ken indauluan ni Regional Director Patricio Bernales Jr.
Maipalagip a kinemmeg ti Bureau of Immigration ni Tony idi September 19 a mainanaig iti agdama nga imbestigasyon ti Senate ken House of Representatives inaig ti human trafficking ken illicit operations iti Philippine offshore gaming operators (POGO).
Mapapati pay nga adda kainaiganna iti illegal nga aktibidad babaen ti POGO.
Imbutaktak iti NBI a nagaramat ni Tony iti pseudonyms tapno iyetnag ti adu a korporasyon pakairamanan ti Oro One Inc., Philippine Sanjia Steel Incorporated ken Misamis Oriental Sand and Gravel Corporations, dagiti nasao a korporasyon ket nairehistro iti Securities and Exchange Commission idiay Cagayan de Oro City.
Kinumpirmaran pay ti Philippine Drug Enforcement Agency iti House quad committee hearing a maysa a business associates ni Tony ket maysa person of interest iti ahensya.
