--Ads--
Impakaammo ti National Bureau of Investigation (NBI) nga agtultuloy ti manhunt operation kontra ken ni Charlie Atong Ang a nairuaran ti warrant of arrest mainaig iti pannakapukaw ken pannakatay dagiti mannadi idiay Sta. Cruz, Laguna.
Pinasingkedan ni NBI Assistant Director Rommel Vallejo nga uray saan pay a nagballigi ti operasion, dakkel ti tyansa-da a makemmeg ni Ang ken saan nga agsardeng ti ahensia iti panangbiruk.
Adda sangapulo ket lima a kaso a kidnapping ken serious illegal detention ken uppat a pulo ket maysa a kaso a kidnapping with homicide a sangsangoen ni Ang.
Kagiddan daytoy, nagipasa ti Criminal Investigation and Detection Group (CIDG) ti request iti Interpol para iti red notice kontra ti pugante. Reynand Fontejon
-- ADVERTISEMENT --
