Pinawaywayan ti gobierno ti Unified Package for Livelihoods, Industry, Food, and Transport Assistance tapno matulongan dagiti ad-adu a marigrigat a Pilipino a naapektaran iti nangina a presio ti langis gapu iti riribuk iti Middle East.
Segun ken ni Presidente Ferdinand Marcos Jr., umabot iti 7.5 a pamilia wenno katukad iti 37.5 milion a Pilipino ti makaganar iti nayatiddug a programa.
Karaman kadagiti umawat iti agingga P2,000 ti 37.5 milion a benepisyaryo ti Pantawid Pamilyang Pilipino Program ken Walang Gutom Program, kasta payen ti 2.5 milion a marigrigat ken near-poor a pamilia a nairaman iti 2024 Community-Based Monitoring System.
Kabayatanna, 1.5 milion a low-income worker a beripikado iti Social Security System ken ti pamiliada ti umawat iti P2,000 kada bulan manipud Hulyo agingga Disyembre.
Gagem ti UPLIFT Assistance a matulongan dagiti pamilia iti inaldaw a gastosda ken maksayan ti epekto ti agtultuloy a panagpangina ti presio ti langis ken dagiti magatang.
Idaulwan ti Department of Social Welfare and Development ti panangipaay iti ayuda, a maisayangkat iti digital transaction tapno napaspaspas ken naur-urnos a maipaay kadagiti benepisyaryo.
