Impakaammo ti Quezon City Police ti pannaka-rekobre ti nayon nga ebidensia mainaig iti panangpatay ken ni Police Master Sargent Diane Marie Mollenido ken ti anak na nga agtawen ti walo a ni John Ysmael, iti maysa a naiwayat a search warrant idiay Novaliches, Quezon City.
Segun ken ni Brig. Gen. Randy Glenn Silvio, napagtipon nga operatiba manipud ti Criminal Investigation and Detection Unit (CIDU), Novaliches Police Station 4, ken Quezon City District Forensic Unit (QCDFU) ti nagisayangkat ti panagsapol iti pagtaengan dagiti suspek a da Pia ken Christian Panganiban idiay Barangay San Agustin.
Iti operasion, narekobre dagiti ebidensia kas ti sangapulo ket uppat a swabbed biological fluid samples, walo a piraso ti tela nga adda mantsa na a dara, tissue paper nga adda dara-na, siam nga strands ti buok a mapapati a kukua dagiti biktima, cigarette stub, lima a piraso ti Styrofoam cooler a mapapati nga inaramat da a nangidulinan ti paltog idi napasamak ti krimen.
Dagiti item ket naiyakar iti Quezon City District Forensic Unit (QCDFU) para iti nainget a forensic examination, kabayatan a dua a CCTV units a narekobre ti naipan iti Criminal Investigation and Detection Unit (CIDU) para ti nayon nga ebidensia iti imbestigasion.
