--Ads--
Impasa ni Senador Jinggoy Estrada ti maysa a gakat a ti gagemna ket mapalawa ti Pantawid Pamilyang Pilipino Program ken nayunan ti cash grant tapno matulongan dagiti pamilia a Pilipino a makabangon manipud iti nangina a presio.
Maibasar iti Senate Bill 1487, mabalin a ngumato ti grants iti P200-P250, mailawlawa ti coverage ti pamilia manipud pito agingga sangapulo a tawen, ken mairaman dagiti agtutubo agingga duapulo ket dua ti tawenna ken dagiti pamilia a kurang iti nutrision.
Adda pay adult education ken skills training para kadagiti nagannak kas suporta iti pagbiaganda.
Maysa a panagadal idi 2024 ti mangipakpakita iti aktwal a gatad ti 4Ps grants ket bimmaba iti 30 percent manipud 2019, a mangipakita iti pagkasapulan iti daytoy a reporma.
-- ADVERTISEMENT --
