Nagpanawagan ni Senador Loren Legarda ti natibtibker a proteksion para kadagiti mangmangged nga agtultuloy a mangbibiag iti ekonomiya ti pagilian iti baet ti didigra.
Impaganetget na ti pagkasapulan ti nainkalintegan a kompensasion, natalged a kondision iti trabaho ken naan-anay a suporta iti pangta ken gastos a mapaspasaran da.
Inyebkas ni Legarda ti panawagan kasaruno ti panagirruar ti June 2026 Labor Force Survey, a nagipakita nga umaboten iti 50.66 milyon ti bilang dagiti empleyado.
Dak-dakamaten ni senador Legarda dagiti mangmangged iti transportasion, suplay ti taraon, kinatalged, utilities, media, retail, construction, agrikultura, edukasion, pampubliko a serbisio ken dadduma pay a sektor nga agtultuloy nga agtar-tarabaho iti baet ti napigsa a bagyo ken dadduma pay a didigra.
