--Ads--
Nagipatulod ti Department of Public Works and Highways (DPWH) iti nayon a suplay iti danum kadagiti naapektaran ti ginggined idiay Cebu kas tignay ti bilin ni Pres. Ferdinand Marcos Jr.
Umabot iti uppat a water trucks iti impatulod ti DPWH a mangsuplay iti danum kadagiti naginggined idiay Bogo City.
Segun ken ni Sec. Vince Dizon, imbilin ti presidente ti pannakaipatulod ti nayon a water trucks kalpasan a naammoan a naaddaan iti pagkurangan ti suplay ti danum.
Uppat a pulo a tonelada iti linaon a danum ti water trucks iti DPWH ken makaited iti inaldaw-aldaw a suplay kadagiti duagasut a pamilia idiay Barangay Cogon ken Barangay Taytayan.
-- ADVERTISEMENT --
Malaksid iti DPWH ket sumagmamano a local government units (LGUs) iti nagipatulod ti suplay iti danum.
