Nayon a pannusa ken ni Rep. Barzaga, maidurduron iti Kamara

Impaganetget ni Manila 2^nd District Rep. Rolando Valeriano a patawan manen ti suspension ni Cavite 4^th District Rep Kiko Barzaga tapno masurwan ti husto nga adal.

Iti privilege speech-na iti plenary session iti Kamara, kinunana nga agtultuloy iti panag-post iti social media ni Barzaga iti panangdadael ken panang-insulto iti sumagmamano nga agpampanday linteg bayat ti 60 days suspension-na.

Gapu dayta ket induron ni 1-Rider Party-list Rep. Rodge Gutierrez a mangisayangkat ti panagdenggeg ti House Committee on Ethics and Privileges tapno paayaban ni Barzaga ken i-assess dagiti ar-aramidenna iti panawen ti suspension-na.

Ti mosyon ni Gutierez ket inaprubaran ti plenaryo iti Kamara.