--Ads--
VIGAN CITY – Nanayunan pay ti sangagasut ket lima a kaso iti covid-19 iti probinsia a nangitundaan iti 5,743 a confirmed covid case.
Kaaduan a nairekord iti siudad ti Vigan ta nainayon ti sangapulo ket innem, sinaruno iti ili ti Cabugao a sangapulo ket dua, siam iti Sinait, sag-walo iti Sta. Maria, Sta Cruz ken Caoayan, pito iti Sta. Catalina ken innem iti San Vicente.
Sag-lima iti siudad ti Candon ken ili ti Bantay, sag-uppat iti Sto. Domingo ken Narvacan, tallo idiay San Juan, sag-dua iti Banayoyo ken Tagudin ken saggaysa iti ili ti San Ildefonso, Quirino, Magsingal, Burgos, Suyo ken Santa.
Manipod iti nasao a kumpirmado a kaso ket dua iti nainayon a pimmusay a naggapo iti ili ti Santa ken ili ti Caoayan.
-- ADVERTISEMENT --
