VIGAN CITY – Pitopulo ket tallo a covid-19 case iti nainayon ken maysa a pimmusay iti uneg ti tallo nga aldaw iti bulan ti Nobyembre.
Kaaduan ket manipod iti ili ti Sinait ken Quirino ta agpada a sag-siam, simmaruno ti sag-innem nga isu iti Narvacan, Sigay ken siudad ti Vigan, lima idiay Nagbukel, uppat idiay Candon City, sag-tallo idiay Sta. Maria, Cabugao ken Magsingal.
Sag-dua idiay Santiago, Banayoyo, Galimuyod, Tagudin ken Sta. Lucia, ken saggaysa idiay San Vicente, Bantay, Sta. Cruz, Suyo, San Juan, Alilem, San Ildefonso, Cervantes ken San Esteban.
Ti nayon a pimmusay ket taga-Brgy. San Jose, Narvacan, school principal nga agtawen ti pitopulo ket dua.
Kabayatanna, dagiti nasao a kaso ket sangapulo ket tallo a covid-19 case idi November 1, pito idi November 2, ken limapulo ket tallo idi November 3, 2021.
