Malaksid iti sangapulo ket pito a naikkat iti Presidential Communications Office ket duapulo ket pito pay a sabali nga undersecretaries ken opisyal iti dadduma nga opisina ti naikkat iti posisyon.
Segun ken ni Palace Press Officer Claire Castro, naikkat dagiti opisyal ta nagleppasen ti terminoda idinto a ti dadduma ket inawatda ti courtesy resignation.
Saan a nadakamat ni Castro nu ania a departamento iti nagtaudan dagiti nasao nga opisyal.
Kabayatanna, kinumpirmaran ni Castro ti re-appoitment ni President Marcos ken ni Henry Aguda kas secretary ti Department of Information and Communications Technology (DICT).
Maipalagip a na-bypass ti ad interim ni Aguda idi June 11 kalpasan a sinuspenso ti Commission on Appointments ti deliberasyon gapu iti pagkurangan iti oras.
