Insayangkat ti Philippine Navy vessel ti maritime patrol iti kabaybayan iti West Philippine Sea ket nasarakanda iti P214 million a gatad iti mapapati a cocaine iti bagatan a daya iti Piedras Point iti Puerto Princesa, Palawan.
Segun ti Western Naval Command, na-retrieve iti BRP Ladislao Diwa (PS-178) dagiti dua a tumtumpaw a langgusti isu nga impanda iti Naval Station Carlito Cunanan.
Naammoan a ti kontrabando ket natinnag iti maysa a local fishing boat.
Dagiti illegal a droga ket Naiturn-over iti Naval Intelligence and Security Group-West ken iti Philippine Drug Enforcement Agency para iti testing ken proper disposition.
Nasarakan iti illegal a droga bayat ti routine maritime ken sovereignty patrol, kas paset iti intensified efforts tapno salwadan iti Philippine maritime borders kontra illegal nga aktibidad.
