Target ti Office of the Civil Defense (OCD) a mangisayangkat ti earthquake drill iti rabii tapno isagana iti publiko iti posible a ginggined bayat nga addada kadagiti pagtaenganda.
Segun ken ni OCD Director Ariel Nepomuceno, maysa a paspasayaaten ti gobierno ti National Simultaneous Earthquake Drill para iti posible a panagtama ti The Big One a mabalin nga agresulta ti panaggaraw ti West Valley Fault.
Malaksid ti duck, cover and hold ket kayat a mapokusan ti OCD ti nasayaat a komunikasyon ken command-and-control sakbay, bayat ken kalpasan iti ginggined.
Paset pay iti panangpapigsa ti agduduma a senaryo tapno masigurao ti panagbalin nga epektibo ti earthquake response.
Karaman payen ti panagsagana iti posible a tsunami nu adda ginggined.
Gagem ti nasao nga addang iti kinasigurado saan laeng a ti gobierno ta uray dagiti local a gobierno ken pribado a sektor iti panagtignay iti aniaman a didigra.
