Insingasing ti Department of Tourism (DOT) ti pannakaaramid ti national task force a gagem a masigurado ti kinatalged ken seguridad ti foreign ken local tourists iti pagilian.
Bayat ti Salaam Halal Expo idiay Quezon City idi June 27, kinuna ni Tourism Secretary Christina Garcia-Frasco a nagipasada iti proposal iti Department of the Interior and Local Government.
Segun ken ni Frasco, kaduana ni DILG Secretary Jonvic Remulla iti meeting idiay Malakanyang para iti proposalda tapno pagpapatangan ti pannakaaramid ti national tourist safety task force tapno amin nga ahensya iti gobierno ket maka-consolidate iti tignayda maipanggep ti kinatalged dagiti turista.
Inaramid ni Frasco ti pakaammo mano laeng nga aldaw kalpasan a binabalawna iti report ti foreign travel insurance firm HelloSafe a nabigbig iti Pilipinas a most unsafe country kadagiti biahero.
Pinagkedkedan ni Frasco iti nasao a banag ket impaganetgetna a minilion a Pilipino iti inaldaw a natalged a makadanon kadagiti papananda.
