VIGAN CITY – Makalawas sakbay a pormal nga aglukat ti 30th Southeast Asean Games ket mapanen idiay Subic a pakaisayangkatan dagiti events ti sepak takraw dagiti mangbukel ti national technical staff.
Ti pannaki uman ti Bombo Radyo Vigan kenni Pepe Adame, maysa kadagiti national technical staff ti Sepak Takraw ti SEA Games, nadakamat na a masapul a kitaen da iti pannakaisagana iti mismo a venue a pakaangayan ti nasao nga ayayam no daytoy ket mayaten ken no adda pay iti kayat nga inayon ti tournament director a papintasen.
Innayon ni Adame nga inton November 25 ket sumangpet iti presidente ti Asian Sepak Takraw Federation nga isu iti agsaludsod to kadakuada kadagiti naduma-duma a banag inaig iti panang-facilitate da ti sepak takraw iti regional biennial meet.
Ni Adame ket mangisursuro idiay San Esteban National High School a siguden a nagserserbi kas technical staff ti sepak takraw kadagiti local sporting events.
