Nagpanawagan manen ti National Task Force for the West Philippine Sea ti China nga isardengdan dagiti provocative ken napeggad nga aksyonda iti West Philippine Sea.
Dayta ket kasaruno iti kaudian nga aksidente a panangiparuar ti flare ti China manipud Zamora reef, maysa a militarize reclaimed island nga ada iti uneg ti territorial sea ti Pag-asa Island.
Napasamak ti pannakairuar dagiti flares bayat ti maritime domain awareness flight ti BFAR Cessna 208B.
Sakbay daytoy, naipadamag pay nga idi Agosto 19, 2013, hinarass ti Chinese fighter jet 63270 ti People’s Liberation Army Air Force iti isu met laeng nga eroplano ti BFAR bayat ti panangisayangkatda iti MDA flight idiay Bajo de Masinloc.
Namin-adun a daras a nangi-deploy ti flared ti Chinese fighter jets kadagiti delikado a distansiya iti nasurok-kumurang a sangapulo ket lima a kilometro manipud iti BFAR Aircraft.
Segun iti NTF-WPS, agtalinaed a natibker ti Pilipinas iti panangpapigsa iti maritime domain awareness iti uneg ti teritorio, kas maibasar iti United Nations Convention on the Law of the Sea (UNCLOS) ken ti 2016 Arbitral Award.
