VIGAN CITY – Immakup ti national muay thai team iti uppat a gold, lima a silver ken maysa a bronze iti 2024 IFMA World Senior Muaythai Championships idiay Athens, Greece.
Immuna a kimmamada ti Pinoy squad a ni LJ Rafael Yasay a nakagun-od iti dua a balitok a medalya iti combat ken Mai Muay events ta pinanabtuogna ni Danila Rakitskii iti finals ti men’s 48-kilogram combat event.
Gold medalist pay iti U23 Mai Muay event idi inabakna ni Manh Hoang Dinh iti finals; silver medal met idi nalapdanna ti Malaysian a ni Asyaf Latif ti gandatna a three-gold medal rampage.
Nangnayon met iti balitok a medalya ni Ariel Lampacan iti men’s wai kru event idi inabakna ni Dimos Asimakopoulos ti Greece iti finals ken silver na idi inabakna iti finals ni Pithaya Thippranee ti Thailand.
Nakabalitok a medalya pay ni Alyssa Kylie Mallari iti women’s U23 Mai Muay idi inabakna ni Myra Arina Roslan kasta met a dua a silver ti nagun-odan ni Islay Erika Bomogao iti women’s wai kru ken Mai Muay events ken maysa a bronze iti combat elite 45 kg category.
