--Ads--
Sinuportaran ni House Speaker Faustino Dy III ti gakat a mangpaadda iti national minimum wage a mangikkat iti agduduma a sueldo iti kada rehion.
Dayta ket kasaruno ti pannakitaripnongna iti lider ti nadumaduma a labor group idi Pebrero 24.
Maipalagip nga imbilin ni Dy ti nasapa a panang-consolidate iti gakat a mangrakrak iti Regional Tripartite Wages and Productivity Boards tapno mairaman iti plenary agenda inton sumaruno alawas.
Ti House Committee on Labor and Employment nga idadaulwan ni Cavite Rep. Jolo Revilla ti mangisayangkat iti panagdengngeg iti nasao a gakat.
-- ADVERTISEMENT --
Main-inut ti pannakaipangato ti sueldo kadagiti rehion agingga a maragpatna ti intuding ti National Capital Region.
