VIGAN CITY – Balligi ti pannakaisayangkat ti National Kickoff program ti Brigada Eskwela 2022 ti Department of Education a ti host ket ti Schools Division Office, Imus City Cavite babaen ti Imus Pilot Elementary School.
Iti mensahe ni DepEd Secretary Sara Duterte, inikkanna iti pateg ti panagtitinnulong iti tunggal LGUs, private sector, Parent Teachers Association tapno maipaay ti dekalidad nga edukasyon iti baet dagiti karit a sangsangwen ti pagilian.
Kabayatanna, mairusat met ti Brigada Eskwela 2022 iti Vigan City Schools Division Office inton August 3.
Gapu dayta, al-allukoyen ni Division Schools Superintendent Gemma Tacuycuy dagiti stakeholder a makipaset iti nasao nga aktibidad para iti pannakaisagana dagiti public elementary ken secondary school iti panaglukat ti klase inton August 22.
Ti tema ti Brigada Eskwela ita a tawen ket Brigada Eskwela Tugon sa Hamon ng Ligtas na Balik-Aral.
