Natay iti narpuog a Cebu landfill, umaboten iti 19

Umaboten iti sangapulo ket siam iti kumpirmado a natay iti narpuog a landfill idiay Barangay Binaliw, Cebu City.

Segun ken ni Cebu City Councilor Dave Tumulak, tallo a bangkay iti nasarakan idi kalman, January 14.

Agtultuloy met a masapsapul iti sangapulo ket pito a mapukpukaw idinto a sangapulo ket walo iti nadunor iti nasao a pasamak.

Maipalagip a narpuog iti nasao a landfill idi January 8 a gappuanan iti panagdeklarar iti Cebu City Council ti state of calamity.

Intuding ti konseho iti January 19 a day of mourning kas pananglagip kadagiti biktima.