Natakaw a relo nga aggatad iti $290,000, naisubli iti pagtagilakwan idiay Japan nga addaan iti ‘sorry note’

Naisubli ti Swiss luxury watch nga aggatad iti P290,000 kalpasan a natakaw daytoy iti maysa a pagtagilakwan sadiay Tokyo, Japan idi napan a lawas.

Maysa a lalaki ti nangtakaw iti relo nga Audemars Piguet kalpasan a nagpammarang a kustomer ket idi naisuotnan daytoy,insigida a timmakas.

Naawat ti pagtagilakwan iti pakete a nagyanan ti relo, ngem awan iti relo, no saan ketdi maysa a surat nga addan ‘sorry’ ti nagyanna, a ti serial number ti mangpasingked nga isu ti natakaw a produkto.

Sapsapulen pay laeng dagiti otoridad ti suspek iti panagtakaw, kalpasan ti naisina nga insidente idi Agosto a natakaw ti uppat a luxury watch nga aggatad iti P200-M iti nasao met laeng a shopping complex.