Binilin ni Presidente Ferdinand Marcos Jr ti Department of Information and Communications Technology a siguradoen a makaikabil iti internet connection kadagiti adayo ken nasulinek a lugar iti pagilian.
Dayta ket kas maisurot iti National Digital Connectivity Plan wenno NDCP 2024-2028.
Insingasing ti presidente iti DICT a mangirusat iti connectivity program kadagiti lugar a mabalin a mangted iti libre a WiFi ti gobierno.
Dayta ket tapno masigurado a ti merkado para kadagiti kompania ti telekomunikasyon ken makaited iti koneksyon kadagiti pasilidad ti gobierno kas kadagiti barangay offices, LGU ken dadduma pay.
Segun ken ni Pres. Marcos, mabalin a mairaman iti badyet kadagiti sumaruno a panawen ti pondo para iti WiFi dagiti ahensia ti gobierno a saan met nga agkasapulan iti dakkel a gatad.
Innayon ti presidente a napateg ti NDCP ta daytoy ti agserbi a pundasyon iti panangbukel ti maysa a digital Philippines.
