--Ads--
VIGAN CITY – Kaso a panaglabsing iti Presidential Decree 1602 wenno ti Anti Illegal Gambling Act ti sangwen dagiti uppat a nagsusugal idiay Brgy Bayubay Sur, San Vicente babaen iti naiwayat nga operasyon.
Nabigbig dagiti suspek a da Arnold Parel, agtawen iti tallopulo ket innem; Rodario Racadio, agtawen iti uppat a pulo ket lima; Domingo Rara, agtawen iti limapulo ket innem ken ni Mark Joseph Raquepo, agtawen iti duapulo ket walo nga agpapada nga agnaed idiay Brgy Cabaroan, Sta. Catalina ken naaktuan nga agaayam iti Pusoy Dos.
Naala kadakuada ti maysa a set ti baraha ken pusta nga aggatad iti PHP 81,615 iti mismo a lamisaan a nagsusugalanda.
Naipasidongen iti San Vicente Police Station dagiti suspek tapno dumalanda iti husto a proseso.
-- ADVERTISEMENT --
