VIGAN CITY – Pakabuklan a walo gasut innem a pulo ket maysa a botante iti naserbiyan ti Commission on Elections (Comelec) idiay Sto. Domingo iti naisayangkat a voter registration ken off-set voter registration.
Dayta iti pinasingkedan ni Elmer Labor, ti Comelec Officer iti nasao nga ili kas panagsagana ti sumaruno a Barangay ken Sangguniang Kabataan elections.
Manipud iti pakabuklan a bilang, dua gasut lima pulo ket tallo ti nagparehistro para ti SK idinto a dua gasut tallo pulo ket innem ti nagparehistro para ti regular voting.
Malaksid iti dayta, dua pulo ket uppat pay ti nagpa-transfer iti pagparehistroan; sangapulo ket maysa ti transfer with corrections of entries; tallo ti transfer with reactivation; uppat a transfer with corrections of entries and reactivation ken dadduma pay.
Ti voter registration ti Comelec ket nangrugi idi August 1 agingga idi September 30 iti agdama a tawen.
