VIGAN CITY – Tallopulo ket lima a tattao wenno siam a pamilia iti nagbakwit idiay Zone 1, Bantay kasaruno iti magnitude 6.7 a ginggined a napasamak idi rabii a nagsentro idiay Tineg, Abra.
Iti pannaki-uman ti Bombo Radyo Vigan ken ni Municipal Disaster Risk Reduction and Management Council Roberto Reboroso, adda dagiti agindeg iti asideg ti bell tower iti St. Augustine Parish iti napwersa a nagbakwit gapu iti posible a mapasamak kalpasan ti ginggined.
Segun ken ni Reboroso, agtaltalinaed iti Bantay gymnasium dagiti nasao nga apektado nga agindeg ket addanto iti maisayangkat a panagsasarita iti MDRRMC kadua ni Mayor Samuel Perilla iti sumaruno nga addang a maaramid.
Kabayatanna, nagpalagip ni Reboroso kadagiti agindeg a nu adda iti ginggined a mapasamak ket siguradoen nga aramiden ti drop, cover and hold ken mapan iti lugar a natalged ket nu bilang adda iti uneg iti pagtaengan wenno pasdek ket nasaysayaat a mapan ti sirok ti lamisaan a natibker tapno saan a madangran.
VC – BANTAY MDRRMC ROBERTO REBOROSO
