VIGAN CITY – Nanayunan pay iti tallogasut duapulo ket siam iti covid-19 case iti probinsia isu nga umaboten iti waloribo walo gasut ket innem iti kompirmado a kaso kas maibasar iti inruar ti Ilocos Sur Covid-19 Task Force.
Kaaduan a nainayon ket iti ili ti Bantay ta uppat a pulo, tallopulo ket tallo iti siudad ti Vigan, duapulo ket siam iti siudad ti Candon, duapulo ket pito iti ili ti Santa, duapulo ket lima idiay Cabugao, duapulo ket tallo iti Sta. Catalina, sangapulo ket siam iti Sta. Maria, sangapulo ket pito oiti San Ildefonso, sangapulo ket pito iti Sinait, ken sangapulo ket maysa idiay San Vicente.
Kasta pay a sangapulo idiay Sta. Lucia, walo idiay Caoayan, siam idiay Tagudin, innem idiay Sta. Cruz, sag-uppat idiay Sto. Domingo, Magsingal ken Burgos, sag-dua idiay Banayoyo ken Narvacan ken maysa idiay Quirino.
Adda pay iti pito a nainayon a re-infection iti nasao a sakit ken pito a pimmusay isy nga umaboten iti 174 iti covid-related deaths.
Kabayatanna, umaboten iti 2,147 iti aktibo a kaso idinto a 6,485 iti nalaingan.
