VIGAN CITY – Umaboten ti innem a ribo tallogasut innem a pulo iti total confirmed case ti covid-19 iti Ilocos Sur ta nanayunan ti sangagasut duapulo ket dua ti baro a kaso.
Kaaduan iti nainayon a kaso ket manipod ili ti Cabugao ta sangapulo ket siam, sinaruno iti siudad ti Vigan a sangapulo ket pito, ili ti San Vicente a sangapulo ket dua, ti Sta. Maria a sangapulo ket maysa ken sag-sangapulo iti ili ti San Juan ken Bantay ngem nairekord ti nayon a maysa a pimmusay manipod Brgy. Paing, Bantay.
Nanayunan pay ti siam a kaso iti Sinait, sag-pito iti ili ti San Ildefonso ken Caoayan, lima idiay Suyo, sag-tallo iti Tagudin, Narvacan ken Sto. Domingo, sag-dua iti Santa ken Magsingal, ken saggaysa manipod Sta. Catalina ken San Esteban.
Iti agdama ket pakabuklanen a sangagasut duapulo ket innem iti pimmusay, 5,224 iti nalaingan, ken 1,010 iti aktibo a kaso a sakit iti probinsia.
