VIGAN CITY – Sangapulo ket innem nga operasyon kontra kadagiti agsusugal iti insayangkat dagiti kameng ti Ilocos Sur Provincial Police Office iti uneg iti dua nga aldaw iti probinsia.
Iti pannaki-uman ti Bombo Radyo Vigan ken ni PMaj. Fernan Rivera, Information Officer iiti ISPPO, dagiti nasao nga operasyon ket naisayangakat idi February 11-12, 2023 iti ili ti Caoayan, Magsingal, Narvacan, Santiago, San Vicente, Sta. Catalina, Sta. Cruz, Sta. Lucia, Sta. Domingo, Tagudin ken siudad iti Candon.
Segun ken ni Rivera, umabot iti pitopulo ket maysa a tattao iti nakemmeg a kaaduan kadakuada ket senior citizen ket naala kadakuada iti pusta nga aggatad P21,480.
Inyunay-unayna a saanda a nagkurang a nangbagbaga kadagiti umili inaig iti nasao a maikaniwas nga aramid ngem malidayan ta saanda a sursuroten ti paglintegan.
Kabayatanna, balakadna kadagiti adda iti aramidna nga isardengdan ti madi nga aramid ta kanayon ti panagmonitorda ket saanda nga agdudua nga agtiliw kadagiti aglabsing ti linteg.
VOICE CLIP OF PMAJ. FERNAN RIVERA
