Pabor ni Senate President Pro Tempore Panfilo Lacson ti panang-veto ni Presidente Ferdiannd Marcos Jr. ti nasurok P92.5 billion a gatad ti unprogrammed appropriations iti 2026 General Appropriations Act.
Segun ti presidente, bimmaba ti unprogrammed funds iti salinong ti 2026 GAA tapno masigurado a ti pondo ti pagilian ket mausar iti nalawag, nasayaat, ken mayataday iti interes dagiti Pilipino.
Impaganetget ni Lacson a nasken a dua laeng ti makita na iti listaan ti unprogrammed appropriations nga impasa ti Kongreso isu ti Foreign Assisted Projects (FAP) ken Revised Armed Forces of the Philippines (AFP) Modernization Program a napateg para iti panagdur-as ti ekonomiya ken panangpapigsa ti seguridad ti pagilian.
Innayon pay ti senador a ti laeng presidente ti adda bileg-na a mang-aprobar ti panagusar ti unprogrammed appropriations tapno nayonan ti pondo iti program appropriations wenno national budget. Reynand Fontejon
