Nasurok P800,000 ti natakaw manipud iti J&T Warehouse idiay Barangay Calaoa-an, Candon City, Ilocos Sur.
Nabigbig ti biktima a ni Jan Aldrich Ragma Galinato, agtawen iti duapulo ket pito, acting OIC iti J&T Warehouse, taga-Barangay San Juan, Candon City.
Segun iti maysa a witness, alas kuatro iti parbangon idi simmangpet iti warehouse ket nadlawna a nadadael ti padlock ken CCTV camera a naipan iti ruar ti warehouse.
Ket idi simrek, ginangtanna ti silaw ngem saan nga agbalin isu a sinapulna ti circuit breaker tapno maisubli ti suplay ti koriente.
Iti dayta a gundaway, nadlawna a nakalukat ti finance room, isu a simrek ket nakitana ti steel vault a nadadael ken mapukpukaw ti linaonna.
Uray ti Network Video Recorder a nakaikabilan dagiti CCTV footages ket mapukpukaw.
Dagus a nagresponde dagiti kameng ti Candon City Police ket naduktalanda a dagiti suspek ket nakastrek babaen iti main door babaen iti padlock ken tinurongda ti finance office.
