VIGAN CITY– Agdagupen ti sumurok kumurang P800-million ti gatad dagiti pagay a nadadael gapu iti panagpduprak ti bagyo Ompong ngem mapatta-patta a manayunan pay ita nga aldaw kalpasan a makumpleto dagiti reports.
Segun kenni provincial agriculture officer Constante Botacion, ti pagay ti kakaruan a naapektaran ta isu ti season na ken adda pay laeng iti “flowering stage” a maysa a kritikla stage para kadagiti mula a pagay.
Kabayatanna, awan pay ti naawat ti provincial agriculture office a report kadagiti nadadael iti fisheries idinto a manamnama a bassit laeng ti damages kadagiti nateng ta saan a panawen tatta ti panagmumulaan na.
Inpasigurado ti provincial agriculture officer ti tulong a maipaay kadagiti apektado a mannalon ta no maawat dan ti kumpleto a report ket aramiden dan ti rehabilitation plan a pagbasaran da iti rekomendasyon da kenni governor Ryan Singson ken iti regional office ti Department of Agriculture no anya a klase a tulong ti maited kadagiti mannalon ken manggalap.
