Inruar ti Department of Budget and Management (DBM) ti P8.08 billion a pondo tapno mabayadan dagiti kangrunaan a proyekto iti nasurok 800 a barangay iti intero a pagilian a naideklarar communist-free iti National Task Force to End Local Communist Armed Conflict (NTF-ELCAC).
Dayta ket kasaruno iti bilin ni Pres. Ferdinand Marcos Jr. a siguradoen nga uray kaunegan a komunidad nga awanen iti lokal a terorista ket mairanud kadagiti programa iti gobierno.
Ti Special Allotment Release Order ket inaprubaran ni DBM Secretary Rolando Toledo tapno suportaran dagiti Barangay Development Program ken mapadaras ti panagdur-as ken matignayan ti nagtaudan iti kinaranggas.
Karaman iti pakaaramatan ti pondo ket ti pannakasimpa dagiti kalsada, pagadalan, danum, kuryente ken serbisyo nga asideg kadagiti tattao.
