VIGAN CITY – Nasurok dua a million a pisos iti gatad iti pinarut ken dinadael a marijuana dagiti otoridad iti nagbaetan iti Sitio Nagawa, Brgy. Caoayan, Sugpon, Ilocos Sur ken Sitio Bekes, Brgy. Tacadang, Kibungan, Benguet.
Iti insayangkay nga anti-illegal drug operation dagiti otoridad, nadiskubreda iti 145 a piraso iti napagango a marijuana stalks iti Site 1 a nasurok mukurang 16 kilos nga aggatad iti 2 million persos idinto a ti naparut ken nadadael iti Site 2 ket nasurok kumurang 1,500 marijuana seedlings nga aggatad iti P60,000 kas inevaluate iti PDEA Regional Office 1.
Ti 145 a piraso iti napagango a marijuana ket addaan iti kustodiya ti Sugpon Municipal Police Station para iti husto a proseso.
Kabayatanna, awan ti nakemmeg a cultivator a nakemmeg bayat iti nasao nga operasyon ngem naipanen dagiti marijuana plants iti PDEA RO1 para iti laboratory examination.
