Posible nga umabot iti nasurok P180 billion ti naipan iti ghost flood control projects manipod 2016 kas maibasa iti listaan manipod iti nasurok-kumurang 10,000 projects a na-inspeksyon ta nasurok 600 iti awan ti actual implementation.
Segun ken ni Senate President Pro Tempore Ping Lacson, mapatta-patta a 30,000 ti pakabuklan a flood control projects manipod 2016.
No maibasar iti ratio iti naduktalan a ghost projects ket posible nga umabot iti 6% ti amin a proyekto iti saan a maipatpatungpal a katukad iti P180 billion a pondo.
Kinuna ti senador a bassit a paset pay laeng dagiti posible nga anomalya iti natratar iti Senate Blue Ribbon Committee ken naipresentar kadagiti privilege speech idi Agosto ken Setyembre ti kalawa iti korapsyon dagiti ghost ken substandard flood control projects.
Madanagan ti senador iti P110 million nga insubli ni dati a DPWH District Engr. Henry Alcantara ta bassit dayta komparar iti pakabuklan a gatad iti karaman, uray pay manamnama nga agisubli pay iti nayon a P200 million kadagiti sumarsaruno a lawas.
Siguradoen ti senador a nakasagana ti Blue Ribbon Committee a makitinnulong iti Independent Commission for Infrastructure (ICI), Department of Justice (DOJ) ken Office of the Ombudsman no kas bilang rumuar iti baro nga impormasyon a maaramat para iti panagipila ti kaso kontra kadagiti karaman.
