--Ads--
Nasurok P17,000 a gatad ti iligal a droga ti nakumpiskar dagiti pannakabagi ti linteg iti panangiwayatda iti search warrant operation idiay Barangay Napo, Magsingal, Ilocos Sur.
Iti pannaki-uman ti Bombo Radyo Vigan ken ni PLT. Richard Pajo, ti suspek ket nabayag a sinipsiputandan ti tignayna agingga a naikkan ida ti gundaway a mangiwayat iti search operation iti pagtaenganna.
Balligi ti operasyon ta nakumpiskar ti nasurok-kumurang 2.6 grams ti mapapati a shabu nga aggatad iti P17,680 ti nakumpiskar ken dagiti drug paraphernalia.
Inlawlawag ni Pajo a saan a karaman iti listaanda kadagiti drug personality ti suspek.
-- ADVERTISEMENT --
Nupay kasta, sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
