VIGAN CITY – Pinasingkedan ni Bombo International Correspondent Haydee Fieldad iti Ishikawa, Japan a nakaro ti napasaranda iti panagbaliw ti klima iti nasao a pagilian.
Iti pannaki-uman ti Bombo Radyo Vigan ken ni Fieldad, nasurok makalawasen a marikriknada ti gingined iti rinabii.
Nupay kasta, pagyamananda agsipud ta sakbay ti gingined ket adda warning a maawatda kadagiti cellphone-da ken ag-alarm dagiti siren ti munisipyo nga isu ti senyales a masapuldan ti agsagana.
Innayonna nga iti October idi napan a tawen ket napudot idiay Japan ngem iti daytoy a tawen ket nalamiis ti klima idinto a napasaranda pay ti pagat-siket a panag-snow.
Gapu ti dayta, mapakaamoan latta met dagiti tattao iti lugar a maapektaran iti snow ta adda dagiti nasapa a ballaag a maawatda.
