VIGAN CITY – Nakaalan ti ebidensya dagiti kameng ti Bureau of Fire Protection Vigan City Fire Station inaig iti napasamak a pannakauram iti paset ti Hidden Garden idiay Brgy. Bulala, Vigan City.
Iti pannaki-uman ti Bombo Radyo Vigan kenni City Firemarshal Fire Senior Inspector Rex Dela Cruz, posible nga adda iti napasamak a short circuit iti brake ti nasao a pasdek a puon ti uram.
Basar kadagiti naalada a wirings dakkel iti posibilidadna nga iso iti nagtaudan ti uram ta adda iti pagilasinanda ken basar ti CCTV ti Hidden Garden adda iti nakitada nga adda iti bassit a panagspark agingga a kimmaro iti paset ti kusina wenno resto bar.
Innayon ni Dela Cruz, a mapatta-patta nga aggtad ti sangapulo a milyon a pisos ti gatad ti nauram a sanikua ngem iuray da pay dagiti naananay a dokumento a mangsuportar iti nasao a gatad.
