VIGAN CITY – Nasurok kumurang PHP250K a gatad ti sanikua ti natakaw kadagiti sangsangaili idiay Aloha Nui Hotel, Barangay Paras, Candon City.
Nabigbig dagiti biktima a da Magdalena Abellera, agtawen iti innem a pulo ket uppat, Regional Director for Population Commission iti CAR, a taga-San Felipe, Binalonan, Pangasinan; Job David Manalang, agtawen iti tallopulo ket lima, technical section head iti POPCOM CAR, a taga-San Carlos Hts, Baguio City, Benguet; ken ni Elmer De Guzman, agtawen iti limapulo ket dua, administrative Aid 6 POPCOM CAR, a taga-Barangay Asin Road, Baguio City, Benguet.
Alas kuatro y media iti parbangon ti March 10 idi nakariing ni Manalang ta mapan koma agdigos ngem nakadlaw a mapukpukaw ti backpack ken laptop-na, isu a pinakaamoanna dagiti kaduana ket naduktalanda met a pati isuda ket napukawan.
Gapu dayta, impakaammoda iti Candon City Police Station ti napasamak ken manarimaan ti pannakaimbestigarna no siasino dagiti suspek.
