Umabot iti nasurok-kumurang P600,000 ti nakumpiskar manipud kadagiti mapapati a miembro ti Salisi Gang babaen iti naiwayat nga entrapment operation iti ili ti Sto. Domingo, Ilocos Sur.
Nakemmeg met dagiti 7 a suspek a nakalugan iti Toyota Revo – ti drayber ket taga-Tuguegarao idinto a dagiti kaduana ket taga-Tondo.
Dagiti suspek ket kadua ti babai a natiliw iti Vigan City Public Market.
Ti biktima ket ti maysa a babai nga agtawen iti innem a pulo, taga-Barangay Sinabaan, Bantay.
Immasideg ti suspek iti biktima a nagindadamag iti lakona idin ta nadlawanna ti panagtakawna ket nagammatan daytoy ti biktima a puon ti pannakakemmegna.
Sabali pay ti maipagarup nga indissaagda a kaduada iti ili ti Magsingal.
Balligi ti pannakaiwayat ti operasion babaen ti panagtinnulong ti Vigan City ken Sto. Domingo Police Station.
