VIGAN CITY – Nasurok-kumurang kagudua a million a pisos iti natakaw iti maysa a construction firm idiay Sacuyya Sur, Santa.
Iti pannaki-uman ti Bombo Radyo Vigan ken PSSg. Ferdinand Martinez iti Santa Municipal Police Station, nakaawatda iti report idi December 4 iti alas kuatro y media iti malem manipod ken ni Myriam Viray Sabalburo, agtawen ti innem a pulo ket innem, negosyante nga agnaed iti nasao a lugar inaig ti panagtakawan iti ayanda isu a nagresponde dagiti pannakabagi ti linteg ket naamoan a pwersa a naluktan ti table drawer iti master bedroom nga ayan ti nasurok kumurang P500,000.
Segun ken ni Martinez, ti panang-review iti CCTV footage ket binigbig ti biktima dagiti suspek ket naamoan a trabahadorda gayam babaen ti tigtignayda isu a natunton ken nakemmegda.
Dagiti nasao a suspek ket da Charles Bocacao Ramos, agtawen ti duapulo ket walo, electrician; Jaylord Acabal Pangilinan, agtawen ti duapulo ket maysa; Benny Mark Bagorio Davalos, agtawen ti sangapulo ket siam nga agpapada nga agnaed idiay Brgy. Mabilbila Sur, Santa; ken John Laurence Advincula Dumalao, agtawen ti duapulo ket innem nga agnaed idiay Brgy. Labut Norte, Santa.
Inamin dagiti suspek ti inaramidda a panagtakawan gapu iti agduduma a rason ngem insurenderda iti P368,500 isu nga iti agdama ket addadan iti kustodiya iti pannakabagi ti linteg tapno sumango ti kaso a robbery.
VOICE OF PSSG. FERDINAND MARTINEZ
