VIGAN CITY – Mapatta-patta a nasurokkumurang dua a milion a pisos ti gatad a natakaw ken ni Imelda Amigable, agtawen iti innem a pulo ket dua, OFW idiay Italy ti natakaw idiay Puroc 1, Barangay Pantay Fatima, Vigan City.
Ti suspek ket ni Emelyn Refuerzo, agtawen iti duapulo ket walo, katulong nga agnaed iti nasao a lugar.
Impakaammo ti biktima iti Vigan City Police Station a ti safety vault-na a naglaon iti PHP 1,800,000, Euro currency a 15K, ken set ti alahas nga aggatad iti PHP300K a nakaikabil iti cabinet iti kuartona ket naduktalan a mapukpukaw iti alas otso iti agsapa ti February 9.
Inamin met ti suspek nga isuna ti nagtakaw iti kuarta ken alahas ti biktima nga adda idiay abroad ngem ti laengen dadduma nga alahas ken ti PHP100K ti insublina.
Nupay kasta, agtultuloy ti imbestigasyon dagiti pannakabagi ti linteg no nangibanagan ti suspek ti tinakawna.
