Nasurok gudwa milion nga indibidual, naapektaran iti bagyo Basyang ken shear line

Umaboten iti nasurok gudwa a milion nga indibidual ti naapektaran iti nagtipon nga epekto ti bagyo Basyang ken shear line.

Iti baro a record nga inruar ti ahensia, umabot iti 579,176 wenno katukad iti 162,501 a pamilia ti naapektaran iti saan a nasayaat a paniempo.

Manipud daytoy iti Region 6, Negros Island Region, Region 7, 8, 10, 11 ken Caraga, saan pay a nairaman dagiti naapektaran manipud iti Region 5.

Agtaltalinaed met iti 12 ti kumpirmado a natay ken 36 ti nadunor.