VIGAN CITY – Nasurok gudwa a milion a pisos ti pukaw ti hog raiser a ni Mark Rafanan a taga-Pantay Laud gapu ti pannakaidalan ita nga aldaw iti culling operation dagiti nasurok pitopulo a tarakenna a baboy ta sakup iti 500-meter radius zone iti lugar a nagtaudan iti African Swine Fever idiay Brgy. Pantay Fatima.
Segun ken ni Rafanan, PHP600-700K ti pukawna kadagiti baboyna a dakkel a pakasayanganna agsipud ta nangina ti presyo dagiti burias ken kasta payen ti bannugda a nangtartaraken pakairamanan ti gastos kadagiti impakpakanda.
Impaganetget ni Rafanan a nasalun-at pay la dagiti tarakenna a baboy ta ti maysa ket kaan-anakna pay laeng ngem nupay kasta ket kasapulanda latta met ti sumurot iti protocol tapno saan nga agwaras ti ASF iti lugarda.
Nupay kasta, agtultuloy ti culling operation kadagiti baboy a sakup iti 500-meter radius zone manipud iti lugar a nagtaudan ti virus.
