--Ads--
Agtultuloy a manaynayunan dagiti apektado nga agindeg gapu iti bagyo Kristine.
Maibasar iti National Disaster Risk Reduction and Management Council, umabot iti 431, 738 a pamilia wenno katukad iti nasurok dua a milion a tattao ti naapektaran iti bagyo.
Dagitoy ket manipud iti 2,124 a barangay iti Region 1, 2, CALABARZON, MIMAROPA, Region 5-9, CARAGA, BARMM ken CAR.
Manipud iti nasao a bilang, nakurang 164,000 a tattao ti temporary nga agtaltalinaed kadagiti 4,567 nga evacuation center kadagiti nadakamat a rehion idinto a 33,000 a tattao ti kimmamang kadagiti kabagyanda wenno dagiti nagtalinaed iti pagtaenganda.
-- ADVERTISEMENT --
Nakaipaay metten ti gobierno iti P21 milion a tulong kadagiti agindeg a naapektaran iti bagyo.
