VIGAN CITY – 82,116 dagiti nabakunaanen iti booster shot ditoy probinsia idinto a 68 percent manipud iti 724,395 a populasyon ti fully vaccinated.
Segun ken ni Governor Ryan Singson, ti probinsia nga Ilocos Sur ti kapintasan ti rekordna iti vaccination rollout agsipud ta saanen a narigat nga allukoyen dagiti umili nga agpabakuna.
Dagiti uppat nga ili ken siudad a mayat ti performance na iti panagbakuna ket ti Vigan City a nakabakunan iti 81 percent manipud iti populasyonda; San Vicente a 77.57 percent; Bantay a 75.66 percent; Nagbukel a 72 percent; ken San Vicente a 71.28 percent.
Kababaan ti Sugpon a 33percent; Gregorio Del Pilar a 57 percent; Alilem a 58 percent;Suyo a 59 percent ken Cervantes a 61 percent.
Kabayatanna,inton February 14 a marugian ti panagbakuna kadagiti agtawen iti lima agingga sangapulo ket maysa idiay Vigan Convention Complex.
