--Ads--
Pinasingkedan ti National Disaster Risk Reduction and Management Council a 70,575 a pamilia wenno 225,557 nga indibidual ti naapektaran iti Severe Tropical Storm Paolo wenno Matmo.
3,940 a pamilia wenno 11,964 nga indibidual ti kimmamang kadagiti 284 nga evacuation center, idinto a 2,997 a pamilia wenno 8,585 nga indibidual ti kimmamang iti ruar dagiti evacuation center.
Awan met ti natay, nadunor wenno mapukpukaw gapu iti nasao a bagyo.
Nangitunda iti layus ti bagyo kadagiti sumagmamano a lugar idiay Region 1, Region 3, ken Calabarzon.
-- ADVERTISEMENT --
98 a road sections ken 34 a rangtay iti naapektaran iti bagyo idinto a 27 a kalsada ken 32 a rangtay ti saan pay laeng a madalanan agingga iti agdama.
