Mapatta-patta nga umabot iti nasurok pito gasut a ribo nga ektarya ti pagtalonan ti posible a maapektaran ti Bagyo Crising.
Segun ken ni Agriculture Asec. Arnel De Mesa, maibasar iti initial analysis dagiti regional offices-da, kaaduan kadagiti posible a maapektaran ket dagiti pagmulaan iti pagay nga adda iti vegetative stage.
Dagitoy nga ektarya ket manipud iti Cordillera, Ilocos Region, Cagayan Valley, Central Luzon, CALABARZON, MIMAROPA, Bicol, ken Western Visayas nga isu ti nainget a bambantayan ti Department Agriculture (DA).
Binalakadan ni Asec. De Mesa dagiti mannalon a sumurot kadagiti weather advisory ken irehistro dagiti pagmulaan, ta no kas bilang maapektaran iti bagyo ket nadardaras ti recovery efforts dagiti local government unit agraman ti panangiwaras iti bin- I, ganagan, ken agas nangruna no adda dagiti maapektaran a dingwen.
