VIGAN CITY – Manipud iti estimated total population iti probinsia ita a tawen 2022 a 724,395 ket umaboten iti 518,301 wenno 71.65 percent dagiti nakaawat iti first dose; 498,775 wenno 68.85 percent ti totally vaccinated; 109,270 wenno 21.76 percent ti nakaawat iti booster shot; 72,932 wenno 95.95 percent ti fully vaccinated a 12-17 years old; ken 6,132 ti nabakunaan a 5-11 years old segun ken ni Dr. Talaga, Chief of Hospital iti Ilocos Sur Provincial Hospital Gabriela Silang.
Ti Vigan ti agtaltalinaed a kaaduan ti nabakunaan ngha 81.27 percent, sarunwen ti San Vicente, Bantay, Nagbukel ken San Esteban idinto a dagiti ili a nababa pay laeng ti vaccination rate-da ket ti Sugpon a 35.10 percent, Del Pilar a 58.91 percent, Alilem a 59.08 percent, Suyo a 60.10 percent ken Cervantes a 51.81 percent.
Gapu dayta, inallukoy ni Dr. Talaga a makitinnulong dagiti umili babaen ti panagpabakunada ta dakkel a pressure kadagiti Local Government officials no saanda a magun-od ti target a 70 percent a target population.
Innayonna a ti panagpabakunada ket agpaay met laeng iti bagida tapno adda agserbi a pangontra iti Covid19.
